Diasabra ultimo a tuma luga e prome 5K Run & Walk di Centro di Bario Piedra Plat cu tabata organisa cu sosten di CEDE Aruba y cu bon guia di IBiSA Aruba. E Run & Walk 5K tabata tin como meta pa trece e bario di Piedra Plat hunto pa un atardi di actividad pa henter famia, y tambe curasha canado y coredo di competencia pa sigui move y participa den e caminata di 5K cu a pasa den e areanan di Piedra Plat, Bloemond, Tamarijn y Sero Pita.
Un team di boluntario chikito a bin hunto pa C.B. Piedra Plat y a pone na pia un actividad grandi pa e bario despues di hopi tempo. Reflexionando na loke tabata e actividad aki, e team ta sumamente contento cu e reaccion di pueblo y pa a mira e registracion di e participantenan cu a participa den e Run & Walk 5K. E tabata un evento cu a duna e team diferente perspectiva y tambe tabata wak e puntonan di mehoracion como organisacion. Y cu esey, e team ta contento di por a ricibi varios compliment di cual cada miembro cu ta forma parti di e comision, ta orguyoso di dje.
Pa loke ta resultado di e caminata, mester bisa cu a haci un eror den e resultado door di diferencia di edad. Pues e resultadonan ta lo siguiente:
Categoria Masculino
Prome luga Christiaan Jansen
Di dos luga Richard Sotelo
Di tres luga Alrric Kock
Categoria Femenino
Prome luga Evie Adele Leonardo
Di dos luga Hannah Kamminga
Di tres luga Sharon Duijn
Di cuater luga Aaliyah Faruup
Mucha:
Liomar Da Costa
E team di C.B. Piedra Plat kier a gradici tur partner y sponsor cu a yuda haci e actividad aki posibel aportando cu e premionan pa e participantenan.
Tambe e organisacion kier a disculpa su mes cu esun nan di Milliard Academy, AVANSE Gymnastic, Tiger Tae-kwondo Academy y Brazilian Jiu Jitsu cu pa e motibonan fuera di e alcance di e team, no por a duna nan presentacion despues di caminata.
Nos ta invita e pueblo pa keda pendiente pa nos siguiente actividad pa Centro di Bario Piedra Plat y bisindario.