Diahuebs merdia, alrededor di 2:30 pm, a tuma luga un accidente entre un Dodge Caravan shinishi A-75068 y Kia Rio color scur, number A-58517 banda di aeropuerto.
E accidente a pasa na momento cu e chauffeur di Dodge Caravan a bay purba di sorteer na man drechi, pero no a wak trafico bon. Esaki a pone cu el a dal contra e Kia Rio. Door di e impacto, esey a pone cu e van a bolter riba su dak y a slip algun meter. Pa despues a termina na banda y wanta n’e palo di borchi. Chauffeur di e Kia Rio a perde control di e auto y a termina bou di e mata.
Facebook live link https://24ora.news/46EoqoG
Polis a presenta n’e sitio pa asina documenta e accidente. Ambulance tambe a presenta pa atende cu un di e personanan cu tabata den e Dodge Caravan cu tabata keha. E paramediconan a hinc’e den e ambulance pa asina control’e.
Ambos auto a ricibi basta daño material.