Diamars marduga un antisocial a drenta Red Fish Seafood Restaurant situa na Orange Plaza. Locual por a compronde cu esaki no ta prome biaha cu ta bira victima di vandalismo y/of ladronicia na nan establecimento.
E persona aki a drenta e luga y bay cu e matanan cu tin como embeyecimento, pa e motibo aki e propietarionan a dicidi di bolto e pochinan di mata pa purba evita un siguiente intento. Pa nan sopresa e persona aki a bolbe y comete destruccion y vandalismo na nan propiedad pa toch bay cu e matanan desea.
Propietarionan di e establecimento ta haci un suplica na comunidad, si acaso nan reconoce e persona cu a comete e acto aki, pa tuma contacto cu nan of notifica Polis mesora. Tambe ta corda esunnan cu ta cumpra articulonan horta ta mes culpabel cu esun cu comete e acto.
Pais ta pasando den un tempo hopi dificil, sector di horeca tin’e basta duro caba, ban yuda otro y percura pa no tin mas victima di ladronicia.