Afpakteam Integral di Aruba lo bende cinco vehiculo y tres boto na findishi diabierna awor 24 di juli. Por mira e vehiculo- y botonan diabierna mainta desde 10:00am na Garage Cordia situa na Camacuri 8. Pa exactamente 11:00am Deurwaarder Roos lo cuminsa cu e benta. E ganashi di e benta lo bay pa Criminaliteitsfonds y lo wordo uza pa bringa criminalidad na Aruba.
Afpakteam ta un cooperacion di Ministerio Publico, Cuerpo Policial di Aruba, Duana, FIOT (Fiscale inlichtingen- en opsporingsteam) di DIMP (Departamento di Impuesto), FIOD (Fiscale Inlichtingen- en Opsporingsdienst), KMar (Koninklijke Marechaussee), Kustwacht di Aruba, MOT (Meldpunt Ongebruikelijke Transacties y RST.
Afpakteam ta ocupa su mes cu combatimento di criminalidad financiero economico y ta funda dia prome di maart 2017. Desde su inicio, Afpakteam a pone beslag riba casi 7 miyon florin. Si Bo por sa di señalnan di labamento di placa, por acerca Afpakteam via mail na
[email protected] of via tiplijn na 11141.
