Cosecha ta conoci pa su workshops creativo organisa den su Centro Creativo na San Nicolas. Door di e situacion di Covid-19,
Cosecha a suspendi e workshops creativo na Maart ultimo y awor lo cuminsa back cu esakinan.
Durante di e workshops creativonan aki lo tuma tur precuacion di hygiena y seguridad en conexion cu Covid-19.
Diabierna 24 di juli, Claudia van Kessel ta sigui cu e linea Asiatico di mosaic cu e ta duna na Cosecha. E biaha aki bo por traha un Koi Karper. Manera ta standard di e workshop aki, ta traha e piesa na Cosecha di cual piesa tin hopi detaye y lo haja material y instructions pa haci e grout na cas.
E workshop lo tuma lugar di 05.00 pm – 07.30 pm. Edad pa por participa ta 15 anja bai ariba y e prijs pa por participa ta AWG 50.00.
Diabierna 31 di juli, Merveline Geerman ta sigui cu su tayernan popular di mosaic unda ta traha diferente parha local. E anja aki Merveline ta combina e material di tegel cu material cu e ta obtene den naturalesa. E biaha aki por traha un Warawara cu ta para riba un pida driftwood. E workshop lo tuma lugar di 05.00 pm – 08.00 pm. Edad pa por participa ta 15 anja bai ariba y e prijs pa por participa ta AWG 50.00.
Tur prijs ta inclui material y refreshment. Inscripcion ta necesario y esaki ta tuma lugar na Cosecha Oranjestad.
Pa mas informacion por tuma contacto cu Cosecha Oranjestad na telefoon 5878709. Tambe por manda un email na [email protected]. Pa mas informacion pa cu Cosecha, por bishita e Facebook page di Cosecha: www.facebook.com/Aruba-Cosecha
