Ladronnan no solamente a haci fiesta cu hortamento di tubonan di koper den Indianenweg, pero nan racha a sigui den Concessielaan unda cu eynan tambe nan a pasa man pa algun tubo.
Diadomingo mainta, pa mas of menos 9’or, polis a bay den dicho caya, unda cu nan a wordo acerca pa un dama y ta conta cu den oranan di marduga, ladronnan a horta tubo di koper y awa a keda basha riba caminda. Despues di hopi ora e dama a bin nota cu un cantidad grandi di awa pafo, cu el a bay cera e meter.
Eynan ta caminda el a ripara cu e tubo a cordo corta y horta. Polis a tuma tur dato di e sucesido. Sigur algo cu tin cu pone un paro na dje. Esaki sigur ta un fenomeno cu a lanta cabes den e ultimo dianan cu unda cu bo draai, ladronnan ta horta koper. Bende na ken, esey ta algo cu ta investigando. Spera cu pronto polis por pone man na e malhechornan aki, kende, pa di mil y un biaha ta pasa horta koper riba e mesun caya aki, Indianenweg conecta cu Concessielaan.