E categoria di rijbewijs pa Bus cu Truck, esta C y D lo bin cun’e otro aña. Eyden tambe lo bay bin algun cambio den dje, den e sistema di pregunta y lo bay mas inhoudelijk den dje. E no ta solamente e parti teoria cu lo bay cambia.
Por bisa tambe cu e parti di praktijk lo bay cambia, door cu pa e examen di categoria B, di auto, lo bay cuminsa cu algo nobo, cu ta un tiki cauteloso cun’e. Lo bay tin un manera di proteha nan mes y e candidato. Lo bay over riba un examinator so. No manera e sistema bieu, unda cu tin dos examinator den auto, pero ta bay over na uno. Manera na Hulanda, Europa y Merca, ta haciendo esaki pa hopi aña caba. Loke a bin cun’e den auto pa proteha e examinator y e candidato pa cosnan no bay robes of acusa otro di cierto cosnan, a bin cu dashcam cu ta bay graba p’afo y paden den auto, cu ta bay graba full loke ta sosodiendo paden plus e ruta y tur loke sosode pafo, pa si un candidato bisa cu e ta sinti cu el a wordo trata onhusto of a wordo gedruip pa un fout cu e no a haci, tur cos lo bay wordo graba riba un stick cu por yega bek anytime riba dje.
Esey ta conta tambe pa e examen di teoria. Tur examennan lo bay wordo gesaved den sistema. Anytime cu tin un persona cu tin un keho, por bay bek y por habri e examen pa wak bek pa wak precies kico tur el a haci fout, unda e problema tabata, unda el a haci su erornan, pa por tin mas transparencia den un situacion ora un persona wordo gedruip of el a slaag, cu por double check tur cos bek.
Esey ta e parti di e categoria B.
Den categoria A tambe tin pronto pensa pa cuminsa no solamente locual e hendenan ta custuma cun’e, cual ta e examen di dilanti e botica di haci un 8 un ronchi y slalom. Esey ta bay ta e comienso. Pero ta bay cor’e cun’e tambe riba caminda publico, den cual e ta bay haya un headset y mike y for di eynan ta bay core su tras y dirigi’e unda e tin cu lora, cua bario e tin cu bay pa wak si di berdad e por core of e por handle e motorcycle riba caminda, segun Pieters.
E materialnan
Pieters a menciona cu e dashcam lo bay ta un sistema caminda cada examinator, riba e dia di trabao, lo haya uno asigna p’e. Cada biaha cu e subi den auto pa bay tuma un examen, e ta plug esaki den e coriente, peg’e na e windshield y ta graba su examen. Na final di dia, por wak examinator 1, tin por ehempel ocho candidato cu el a examina e dia ey. Tur esey ta wordo gesaved riba un usb stick, cu ta bay den computer. For di eynan por trace back, kende a examina e persona y con e examen a bay tambe.
Tur esaki ta keda graba den e programa. Awor aki no ta bay tin auto specifico di e departamento. E autonan mester wordo treci door di e candidato, cual ta autonan cu ta bin for di e rijschool. Algo hopi importnte cual por cuminsa bisa e rijschoolnan, cual ta un exigencia nobo cu lo bay bin, cu durante control di e vehiculo prome cu examen, lo bay bin cu exigencia cu cada un auto cu wordo uza pa examen, mester tin un polisa special cu ta wordo duna pa e seguronan, unda e seguro lo mester pone den su clausula, cu e sa cu e auto ey ta sigura pa duna rijles y cu ta bay tin un toezichthouder y hende cu no tin rijbewijs e momento ey coriendo cun’e, pa haya les y coriendo cun’e, tumando examen. Esaki tambe ta pa cubri den un situacion cu a yega di pasa den pasado caba, cu bin un accidente durante examen.
