Rene Bernabela, presidente di TOPA, a duna un update pa loke ta e situacion na Parke Nacional Arikok. E ta conta cu no tin mucho novedad di loke tur hende ta na altura di dje.
Loke si a haya di parti di minister encarga cu e parke, Otmar Oduber, el a manda sindicato TOPA un carta riba esun cu TOPA a manda pe, referiendo na e situacion di Parke Arikok, dia 10 di April. E ta confirmando na TOPA, unda e ta expresa su preocupacion actual na parke Arikok, como tambe di e empleadonan. Ta cuminsa un proceso pa mira den ki forma ta bay dilanti. Pa loke ta e cambio drastico di statuut di Parke Arikok, cual no ta carga aprobacion di su persona como minister, ni di Gobierno di Aruba.
Ta algo cu mester ta delibera seriamente, pa mira den ki forma por bay dilanti. Esey ta e carta cu TOPA a ricibi di parti di Minister Otmar Oduber, unda cu e ta trece dilanti cu e no ta carga su aprobacion pa loke ta cambionan den statuut cu a tuma luga y tambe pa loke ta e maneho cu ta hibando den parke Arikok, tampoco esaki no ta carga su aprobacion, ni su esun di Gobierno.
Bernabela a menciona cu na e momento aki cu minister Oduber ta na caminda pa Aruba, of ta den yega, ta su persona mester kortsluit un ke otro pa loke ta e bestuur di parke Arikok.
Riba dje, mirando e hecho cu den e directiva aki tin un representante di Gobierno cu na momento cu tabata tin Statuut Wijziging, e persona aki, kende ta representa gobierno, no a pone gobierno. Ni minister na altura pa loke ta e cambionan treci den e statuut aki. Ta di supone cu a haci cu ni e minister, ni gobierno ta pro e decision cu e directiva a tuma.
Tin awor aki un bestuur cu mester ta consisti di cuater persona. Awo e bestuur ta consisti di tres persona. Eynan ta mira diferente desaroyo cu ta tumando luga, sin papia riba e parti di cAO pa loke ta di e trahadonan cu ta trahando eynan.
Pa loke ta e 7 managernan aki, hunto cu bestuur, no tin ningun CAO prepara pa negosha. Si pone tur hunto pa loke ta e situacionnan aki pa loke ta tumando luga na partke Arikok. Eynan bo ta mira cu tin un situacion no aceptabel den parke Arikok. Pa loke ta e parti di maneho cu ta hiba, ta inaceptabel di locual trahadonan di parke Arikok a bisa cu nan no tin e confiansa mas den bestuur di loke ta manehando Parke Arikok. Tampoco no tin e confiansa den e managernan di parke.
Terenonan
Tin un discrepancia tambe riba cumpramento di tereno dentro di Parke Arikok. Rene Bernabela a expresa cu si sinta pensa e manera con miniater Otmar Oduber a trece dilanti. Bestuur di parke Arikok, na e momentonan aki no ta funcionando manera mester ta. Si mira e statuut, prome cu e directiva aki a cambia su contenido, no ta e aspecto di behering cu tin cu ta hiba pa loke ta e parke aki.
E maneho cu bestuur tin cu hinca, no ta cumpliendo cu e proposito cu e bestuur y tambe un statuut den e caso aki, pero si ta mira cu despues di e cambio cu a haci den statuut na December ultimo, por mira puntonan sumamente straño, sin aprobacion di minister den e gobierno, caminda cu e bestuur a agrega den e statuut, unda cu por mira por ehempel nan ta trece dilanti, caminda un di e cambionan ta, pa cumpra terenonan priva. Nan ta mencionta un total di 14 tereno cu nan tin pensa di cumpra.
Si ta puntra bo mes, si un parke Arikok, cu ta haya subsidio di Gobierno, caminda nan ta hay’e anualmente 2.5 miyon florin, e ora cu ki pensamento bo ta puntra bo mes, caminda un directiva ta tuma riba su mesun encargo, sin aprobacion di gobierno y minister, pa bay over na cumpra terenonan sin un bendicion di parti di e ultimo.
Esaki ta puntonan sumamente preocupante di cual e sindicato ta puntra nan mes, mirando tambe cu nan kier sa tambe si e bestuur aki a hipoteca e parke Arikok den su totalidad, pa asina bay haya financiamento riba mercado local of internacional. Esaki ta patrimonionan di pueblo. Den statuut ta poni cu nan kier bay cumpra terenonan priva, pero den e propio statuut no ta poni ningun caminda cu na momento cu nan cumpra e propiedadnan aki tur, awe pasa mañan cu nan no tey mas como directiva, cu esaki lo bay over na pertenece na patrimonio di pueblo, pues lage den man di gobierno. No sa ki intencion den cumpramento di tereno aki ta bay bek den man di gobierno of ta bay den man di esnan cu ta forma parti di e bestuur aki. Y cu ki intencion tin pensa di cumpra e terenonan aki.
