Telefon pa Hubentud ta contento pa mira e hobennan cu ta yena cu alegria pa cuminsa e aña escolar nobo. Naturalmente tin esnan cu a keda sinta y ta bay un luga cu no ta conoce hopi hende.
Segun trahado social di Telefon pa Hubentud, Shurman Milliard, a splica cu for di final di aña pasa, a cuminsa prepara hopi hoben caba. Telefon pa Hubentud ta conoci pa su charlanan riba Peer Pressure, riba norma y balornan. Tur esaki tin di haber cu un aña escolar.
Ora cu bo wak peer pressure, cual ta un problema den e prome simannan of prome luna di e aña, ta bisto pasobra e mucha kier fit in na e scol nobo, bo kier fit in na e otro coleganan cu no tabata conoce, kier ta popular, kier sa den cua grupo bo ta. Pesey Telefon pa Hubentud tey, tur dia entre 2’or di merdia y 6’or di atardi, pa papia tocante riba e desaroyonan nobo. No mester lubida cu esaki no ta solamente pa e muchanan mas chikito, pero pa cualkier hende. Hasta si un adulto haya un trabao nobo, e kier fit in na un luga.
Pesey peer pressure ta algo cu ta hopi importante den e prome lunanan.
Telefon pa Hubentud ta hopi contento y mescos cu tur aña ta haci charlanan riba diferente topico. Aña pasa nan a haci mas cu 150 diferente charla na e diferente scolnan. Nan tin un averahe di cada dia escolar, nan ta den un diferente scol. Ta algo cu ta hopi importante pa prepara nan pa casonan of e momentonan nobo cu e siman aki y otro siman lo ta.
Ta wak tambe un topico cu ta bin mas y mas dilanti. Telefon pa Hubentud ta contento tambe cu ta e scolnan mes ta acerca nan.
Mirando cu ta dos hende so tin ta trahando na Telefon pa Hubentud, nan no ta haya mucho chens pa bay na tur tur scol y pesey nan ta contento cu tur scol ta yama nan for di antemano. Tin diferente charla cu e scolnan a pidi p’e pa cuminsa for di e luna cu ta bin. Despues di dos luna y hasta despues di e prome vakantie. Un di e temanan cu ta wordo hopi pidi ta norma y balor. Ta contento cu esey, pasobra norma y balor ta wak como un di e “cornerstones” di e comportacion di cualkier persona. Specialmente di e hoben y e muchanan. Si bo tin bon norma y balor, lo bo no laga peer pressure domin’e, lo no cuminsa pest otro persona. Si bo wordo tenta of si bo conoce un persona cu ta wordo gepest, bo sa kico pa haci e momento ey pa bo mes.
No solamente bo por yama Telefon pa Hubentud, pero bo sa cu tin trahadonan social na scol, bo tin luganan pa bay pa combersa tocante di e problemanan cu bo ta wak.
