Den oranan di marduga e patruya di Santa Cruz tabata moviendo den e areanan panort di Aruba. Ta controla e costa contra cosnan ilegal. Naturalmente ora cu topa un auto, dimes nan ta atende cu esnan na e auto si ta duna indicacion sospechoso.
Durante e control riba e caminda direccion Natural Bridge, e unidad di Santa Cruz a bay atende cu dos persona den e auto. A resulta cu tabata un dama y un homber cu tabata na stuur. Problemente nan tabata pasando ratonan romantico nan dos combersando den auto. Polis a acercanan pero e homber no a aprecia e presencia di Polis. Algun dia anterior caba nan a topa cu mesun persona na costa. Ora a atende cune e no a copera cu Polis pa duna nomber. Mas bien a falta respet pa autoridad. Diadomingo marduga esaki tabata e caso atrobe.
No kier a duna nomber y no kier a identifica su mes. No por a mustra un rijbewijs tampoco. Polis a wanta basta insulto tambe. Pesey mes e biaha aki si a dicidi di detene. A pidi presencia di dogcatcher cu a hibe warda di Santa Cruz pa e duna cuente riba su comportacion. E controlnan aki na costa ta necesario. Si bo djis identifica bo mes por evita situacionnan asina manera a pasa diadomigo marduga. E señora finalmente a bay cu e auto pero e homber si a haya lift den dogcatcher.
