Hobennan hopi biaha no ta realisa con facil ta pa daña nan imagen y reputacion, dor di haya Bo den contacto cu husticia pa motibo di droga. Polisnan ta controla na costa constamente pa movecionnan sospechoso.
https://www.facebook.com/24ora.aruba/videos/10160805090685001/
Diasabra anochi pasa di 10or e patruya di Flex Team tabata move rond y pasando banda di ex Bushiri Hotel a topa cu un SUV A-68550 cu tres persona aden. Dos mucha muher hoben pero mayor di edad y tambe un mucha homber tambe mayor di edad.
Ora cu nan a mira polis nan a spanta. Nan a cuminsa bira nervioso y sospechoso.
Suficiente motibo pa Polisnan atende cu nan. Durante e control a pidi nan baha for di e auto.
Asina a cuminsa cu un control mas profundo y aki ta bin topa cu cosnan contra ley. A bin haya mas cu un paki di marihuana den nan poder.
Semanalmente ta masha hopi hoben Flex Team ta topa cu droga y hopi di nan marihuana. Ademas di dos paki cu marihuana, a haya tambe griner etc. A confisca e droga y a detene e tres sospechosonan.
E auto a wordo poni na lock y a keda atras caminda Polis a topa cu e trio banda di Ex Bushiri Hotel.
