Diadomingo, pa mas of menos 3’or y 18 di marduga, Central di polis ta ricibi un yamada cu un atraco a caba di tuma luga na un cas na Cura Cabai. Mesora a despacha un patruya pa e sitio y na nan yegada, nan ta bin topa cu un dama di edad respeta na e cas, kende ta declara cu un rato prome, 2 homber full na preto bisti, cu arma di candela y nan cara no tapa, a drenta su cas y a atrak’e. Un di nan lo mester a dal e dama cu e arma di candela, na su cabes. Nan a bay cu mas of menos 300 florin y tambe su celular. Nan dos a huy na pia y tur dos tabata papia Papiamento. Atraco Team a presenta na e sitio pa sigui cu e investigacion y tambe a pidi asistencia di slachtofferhulp, mirando e situacion cu e señora a pasa aden.
Ken cu por a mira of sa algo riba e caso aki, yama tiplijn di polis na 11141 of tambe yama 100.
