E prome parti di e buki Historia di Futbol di Aruba ta contene e historia di nos futbol for di su cuminsamento na aña 1909 te cu 1959.
E prome añanan tawata dificil, sinembargo cu establecimento di e industria petrolero meimei di añanan binti futbol tambe a haña un “boost” y bira e deporte “rey” riba nos isla. Den e buki aki lo bo lesa di e desaroyo aki y lo bo haya relato y resultado di weganan cu nos equiponan of seleccionnan local a hunga na cas y pafo di Aruba contra equipo of selecionnan stranhero.
Lo bo haya sa nomber di tur e clubnan cu a titular campeon di nos isla despues cu Aruba Voetbal Bond a wordo funda. Tambe tin un gran cantidad di resultado, hasta di weganan amistoso, simplemente pa bo haya un idea di cuanto club di futbol tawata tin riba nos isla y con nan tawata yama.
Y pa bo lesa e buki aki cu smaak ainda nos a pone un cantidad grandi di potret.
Sr. Francisco Vrolijk lo ta presente Diasabra awor dia 7 di Juli na Van Dorp Dakota pa introduci y firma su buki pa esnan interesa. Horario ta di 11.00 a.m pa 1.00 p.m.
Pa mas informacion bo ta bonbini na De Wit & Van Dorp San Nicolas, Dakota y awo den centro di cuidad. De Wit & Van Dorp Stores ta un compania local cu ya ta forma parti di comunidad di Aruba pa mas di 65 aña. Bishita nos pagina di Facebook: Dewit Vandorp.
