Diamars, pa mas of menos 9’or y 15 di mainta, polis y ambulance a wordo dirigi pa Franse Pas pa un accidente, unda cu un auto lo mester a bolter y lo tabata tin un persona herida.
Ora cu a yega, nan a nota cu en berdad tabata tin un homber unda cu su man tabata basta bon corta, di manera cu por a mira hasta su weso. Personal di ambulance a trata e cabayero aki di biaha y a purba di para e sangramento, pa di manera cu urgencia, hib’e hospital, pa e sigui haya tratamento medico avansa. E auto mes a sufri daño mas tanto riba e dak y a keda asina eynan benta riba caminda, en espera pa takelwagen presenta y hala e auto for di caminda.
