E competencianan den e ‘World Games Specia Olympics’ na Berlin a continua riba diabierna, e biaha aki tocando turno n’e atleta Zayen Orman, p’asina competi den e toreno di ‘Table Tennis’ Ping Pong.
El a competi den e categoria di ‘Single’ contra diferente pais y na final a logra di gana mayoria. E wega contra di Puerto Rico tabata un tiki dificil pero e otro partidonan el a logra di gana facilmente.
Zayen a participa den division 6. Den e torneo aki tin diferente division/nivel. Zayen tabata hopi contento cu el a logra e medaya aki y na final di dia a tuma luga e ceremonia di medaya.
Na momento cu a toca turno na su categoria e finalistanan a subi e stage. Aki cada un mester a para na nan respectivo luga.
Naturalmente como ganado absoluto, Zayen mester a para n’e posicion number uno. Aki el a ricibi su medaya tambe dilanti e publico. Un pabien na Zayen y tambe su coach.
E cobertura di Specia Olympics World Games Berlin ta un presentacion exclusivo di Digicel Aruba!
Digicel users let’s support Special Olympics by donating Afl 1,- by texting 𝗕𝗘𝗥𝗟𝗜𝗡 to Nr 5151!
