E trahadonan di Serlimar tin malcontento pasobra tin represaya cu ta tumando contra nan. Pa algo chikito ta suspende e trahadonan. Awe mainta un shop steward a haya su mes c’un situacion unda cu a yam’e aden.
Yuri Schwengle, shop steward di Serlimar, a splica di ripara cu esaki ta algo cu a cuminsa bay fo’i man y tin represaya contra su persona. No a suspende Schwengle, pero a surgi un problema diaranson. E sa pakico Madeline Lacle tin represaya contra dje. E shop steward a indica cu e sa di no a haci nada malo, pero el a dicidi cu ta basta di keda keto.
El a splica cu diaranson a surgi un problema pasobra e tabata para den careda di 6:15 am wardando auto pa bay trabou. Aki ta unda el a mira Lacle ta pasa bay, pero net un truck di Serlimar tabata yegando unda e ta. Chauffeur dje truck a para pa asina Schwengle subi y nan sigui bay Serlimar. El a sigui comenta cu Lacle a bay para banda di Keke pa asina wak den e truck, sigui esaki y tuma number di truck. Diaranson atardi nan ta haya un memo pa presenta na PNO.
Nan a haya esey pasobra un truck di Serlimar a para y dun’e lift pa trabou. E ta puntra si ningun colega mag di trata colega mas. El a recita palabra di defunto Richard Fingal cu a bisa “tur trahado di Serlimar, si bo kier duna lift, bo ta duna lift na un colega di Serlimar. Bo no ta duna lift na hende straño. Pasobra ora duna un colega lift, e tambe ta sigura den e truck, pero si duna un hende straño lift y algo pasa, no tin seguro p’e.” Segun Schwengle, eynan no tabatin nada malo a pasa. Esaki a bira un represaya contra su persona.
