Den e ultimo dianan nos a conoce diferente yobida. Un banda e ta bon, pasobra e tera mester di e awa, pero di otro banda e camindanan di santo ta daña. Y esey ta loke a pasa den bisindario Tanki Leendert.
Habitante di Tanki Leendert 74 a tuma contacto cu nos redaccion pidiendo ayudo pa nan situacion cu e caminda di tera cu ta dilanti e cas. E caminda di santo ta yena cu buraco. E autonan ta pasa un trabou riba e caminda di santo.
E situacion aki no ta solamente fastioso p’e habitantenan di Tanki Leendert, pero tin un crèche. Nan ta pidiendo DOW auxilio. Nan no por cu e situacion aki mas, mirando cu tur dia nan mester haci uzo di e caminda di santo aki.
Un yobida fuerte a pasa y a laga e caminda aki yena cu buraco. E autonan tin problema pa pasa, tanto shocks como taira ta bati. P’esey e habitantenan ta pidi yudansa pa drecha e caminda di santo aki. Nan ta pidi pa DOW basha un capa di azeta p’asina e problema aki termina.
Tur esunnan cu ta uza e caminda aki, mester maniobra pa pasa. E habitantenan ta fada cu cada bes awa cay, nan tin cu pasa un martirio cu e caminda. Nan ta pidi un solucion pa asina nan auto tambe por stop di ta bati.
Pa mas lesa TREMPAN.COM.
