Un adoracion cu a nace for di un dia di oracion den Ezequiel Antony su recording studio, a pone cu el a saca e cantica Yenami. E cantica aki ta inspira y a pone graba esaki for di su intimidad cu Dios. Obhetivo di e canica ta pa cada persona cu por ta pasando den momento dificil of por ta sinti un bashi. E cantica aki ta yena hende cu e presencia di Dios memey di nan adoracion.
For di un edad hopi trempan e canta autor, esta Ezequiel Antony, ya a conkista un masa di publico cu su exitonan den e musica popular. El a logra esaki cu su propio banda musica conoci como Banda Esquema, cual tabata super gusta den su tempo.
Despues di algun aña den su miho momento, prome cu Ezequiel a bandona Aruba a bay exterior tras di su exito, el a haya un toke di Hesus. Aki el a dicidi di bandona tur escenario secular (tur loke tin di haber cu e bida mundano) radicalmente. El a dicidi di bay dedica su mes na Cristianismo. Actualmente e ta pastoor di Iglesia Movimiento di Gloria, cual ta un ministerio hopi activo y ta duna fruta den un corto tempo di existencia pa honra y gloria na Dios.
“O SEÑOR, Bo ta mi Dios; lo mi halsa Bo; lo mi duna gradicimento na Bo nomber; pasobra Bo a haci cosnan maraviyoso, plannan forma hopi tempo pasa, den fieldad perfecto,” Isaias 25:1. Riba YouTube por scucha Ezequiel su cantica nobo Yena mi. Pa mas informacion por tuma contacto cu nan na +297- 5626024.
