E aña aki Wilhelminafonds lo bay lansa su rifa. Aña pasa no a haci’e, debi cu algun cos a stroba y e ora eynan e aña aki si lo haci’e, pasobra e ta di suma importancia pa Wilhelminafonds. Tur hende sa cu cancer ta un malesa cu ta bati na porta di hopi famia aki na Aruba, segun presidente di e fundacion, Lilly Prins. Esey ta trece cun’e cu Wilhelminafonds tin su gastonan grandi anual cu cubrimento di cierto gastonan. Pesey e aña aki, dia 8 di April, 2018, pa 7’or y 15 di anochi, via Telearuba, lo bay saca e felis ganadonan. E rifa ta costa 25 florin, pero lo tin 10 bunita premio pa e comunidad.
Ora cu bo cumpra e rifa aki, e prome premio ta un KIA Picanto automatic 2018. Di dos premio ta dos ticket pa Amsterdam, Hulanda, obsekia pa KLM. E di tres premio ta un mistery vacation di 7 dia, obsekia pa Maduro Travel. E di cuater ta un airco Panasonic inverter di 12 mil BTU. Esaki ta obsekia pa AMC Unicon. E di cinco premio ta un gift certificate di Setar di 1000 florin. E di seis premio tambe ta 1000 florin. E ta un moneycard di Compa Leon di CMB. E ti shete premio tambe ta 1000 florin. Esaki bo por gast’e na Superfood. E di ocho premio ta un weekend stay na Marriott Aruba Resort & Stellaris Casino. E di 9 premio ta un regalo special di Boolchands y e di dies premio ta 200 florin pa haci compras na Ling & Sons.
Acerca cada miembro di e comunidad Arubano aki. Sabiendo pa mira cuanto gasto ta papia di dje. Ta bay tin esey na e momento cu ta lansando e campaña di April, pasobra e ora ey tambe ta bay colecta. Esaki ta haci’e awor aki, pasobra Wilhelminafonds ta un biaha e ta subi caya pa colecta.
E no ta wordo haci tur dia, pero ta haci’e awor aki si, pasobra e temporada pa conecta, cual ta luna di April, ta den porta tambe. E ta bay tambe mesora cu tin cu bisa cu otro siman, pa dia di Betico, ta bay tin un oferta special. Dos aña pasa a wordo lansa un buki skirbi pa sr. Clyde Harms y esaki ta “Un Arubiano na Libia”. Naturlmente e buki eynan ta obtenibel na Wilhelminafonds. E suma tin cu bah’e, pasobra e suma manera cu sr. Harms tabata kier a pone, pa lanta un fondo pa benta di buki, a bah’e pa 15 florin. Por pasa libremente na Wilhelminafonds. Si kier bestel, ta 5820412. Por hib’e pabo si e ta na oficina, na scol, na cas. Esaki ta un buki cu ta hopi interesante pa lesa, pasobra ta cosnan cu ta sosode diariamente.
Un biaha mas, Wilhelminafonds ta conta riba e colaboracion di comunidad.
Tin luganan caba cu ta bendiendo e rifa aki. Tin’e na Cura Cabay Lottery cu ta bendiendo e rifa y tambe na Botica Aloe. Lo bay tin durante otro siman, mas luga cu ta presenta pa yuda bende e rifa, pasobra un biaha mas, cancer ta bati na porta di tur hende. Ora cu bo yega na Wilhelminafonds, tur yudansa cu ta duna eynan ta gratuito. Ningun hende tin nada di paga bek. Unicamente loke cu ta pidi, pidi Dios bendiciona e fundacion aki, cu ta haci’e cu amor pa un y tur.
