Den trafico semper ta topa cu truck grandi riba caminda cu sticker patras avisando automobilistanan pa tene nan distancia, awe esaki tabata sumamente importante y aplicabel.
Tabata algun minuut prome cu 6’or di atardi riba e caminda di Playa pa San Nicolas, pa ta exacto na Cura Cabay, caminda un wiel(taira) di un truck cu ta transporta combustibel a core bay laga e truck den careda.
E truck a afecta e trafico biniendo San Nicolas pa basta rato y pa colmo e sucedido a tuma luga durante un “peak hour”. Esaki a causa cu for di Cura Cabay te rotonde Pos Chikito tabata tin fila largo mal pega den trafico. E truck ta pertenece na FMSA.
