Diabierna e team di White Sharks categoria 5-6, 7-8 y 9-10 aña a batisa nan uniform nobo. A batisa caba uniform di e grupo grandi.
Raymond Kamperveen, presidente di White Sharks Organization, a splica cu nan campeonato ta termina diasabra. Nan ta bay hunga e final cu e categoria 5-6 y esun cu bira campeon of subcampeon no ta conta pa nan eigenlijk. El a sigui splica cu experencia e muchanan por disfruta dje wega y diberti. Nan ta prepara p’e siguiente campeonato nan ta sali cu nan uniform nobo.
E presidente dje organisacion a manda palabra di gradicimento na tur e sponsornan cu a sponsor e muchanan, cuminsando cu esunnan cu ta desde comienso cu e team y e nobo nan.
White Sharks Organization a cuminsa na 2007 y tin diescinco aña ta bezig cu e muchanan. Segun Kamperveen, nan ta traha riba e muchanan pero nan ta promove scol. E ta haya cu scol ta hopi importante, di cual ta combina scol cu deporte. Ta stimula esaki pasobra e muchanan tin di pensa como persona y como atleta tambe.
Pa mas lesa TREMPAN.COM.
