E Team di Island Temptations Magazine a produci un revista bao nomber di “ARUBA To The Beach and Beyond” pa e hotelnan di timashare, afilia na Aruba Time Share Association (ATSA) den e ultimo shete añanan. Pero cu e pandemia, revistanan no tabata bonbini mas den cambernan di hotel door di medidanan di higiena. E team a dicidi pa switch pa television den e cambernan di hotel, ripiti den un loop 24/7 den timeshare resorts, cu ta contene informacion tocante Aruba y propaganda.
E team a produci un variedad di programanan interesante den colaboracion cu Wolff & Co, cu sin duda lo trece entretenimento. E programanan presenta ta inclui: St. Nicolas Food and Culture, Birdwatching, Deep sea diving y Farm to Table, movecion di nos cunukeronan riba nos isla den colaboracion cu cunukeronan y chefs. E programanan aki lo brinda nos bishitantenan algo interesante pa mira den combinacion cu anuncionan leuk.
WhenInArubaTV ta complementa pa e website WhenInAruba. E team di Island Temptations Magazine ta inclui Rona Coster y Tina Bislick. Riba e potret por mira presidente di ATSA Luigi Heredia, Armando Goedgedrag kende a brinda fotografia di bao lama, como tambe a participa den e programa di Birdwatching, Michael Bislick kende a participa den e St Nicholas programa, Ken Wollf, Jenn Leona di Wolff&Co, Elton Hart, kende tambe a participa den crea e programa di St Nicholas, Vasco Baselli y Romeo Penacino kende a contribui na produccion di e programa Deep-sea cu senior creative editor Tina Bislick y director special di proyecto Rona Coster. Fotografo Steve Keith y videografo Ty Cavallero no ta den imagen pero nan tambe a yuda como colaboradonan.
