Prome Minister mr. Evelyn Wever-Croes a reuni cu Minister Stef Blok di Relacionnan Exterior di Reino Hulandes tocante e ultimo desaroyonan na Venezuela y asistencia cu Hulanda por duna Aruba den esaki. Eddy Paris representante di Aruba na Union Europeo a acesora Wever den e reunion.
No ta conoci si Blok a atende Wever riba su expresionnan contra Blok y contra Gobierno di Hulanda den NRC Handelsblad. Blok algun siman pasa a bin Aruba y despues bay Caracas, negosha reapertura di fronteranan sin envolvi Gobierno di Aruba. Esey tabata un decision masha cuestionabel di Gobierno di Hulanda, cu den pasado semper a traha masha cerca cu Aruba.
