Probechando di e ultimo siman di carnaval, WEMA ta lansa un campaña special pa su clientenan y pueblo di Aruba.
Esaki ta e ultimo siman di carnaval unda cu tur hende ta trahando duro pa duna e ultimo tokenan na e disfraznan. Cu e calor cu tin, nada mas dushi cu haci esaki den un camber of sala completamente aire acondiciona. WEMA pensando riba esaki, a saca su ofertanan special, segun Jasmin Wever, Marketing Manager di WEMA.
Ta papia aki di airconan inverter di 12 mil, 18 mil y 24 mil BTU. Tambe WEMA ta introduci airco inverter di 60 mil BTU, cu por fria full bo cas. Asina unda cu bo ta den cas, lo bo sinti bo mes comodo. Y mas ainda pasobra e prijsnan ta hopi comodo pa cartera di e clientenan.
E airco marca Carrier di 12 mil BTU ta bay pa solamente 799,95 florin (220 volt). E Carrier di 18 mil BTU ta afl. 1275.95 y e Carrier 24 mil BTU ta afl. 1489.95. E prijs nan aki ta valido te cu dia 25 di februari awo. Interesante den e modelo cu WEMA ta ofrece ta cu e tin e sistema di WIFI. E ta nifica cu via e app riba bo celular, ta cende e airco y bo ta yega cas haya e camber of sala bon fria. Nan ta duna cinco aña di garantia riba compressor y un aña di garantia riba e piesanan.
Pa haci uzo di garantia, e airco mester wordo instala cerca un compania cu ta certifica y WEMA tin un acuerdo special cu tres di e companianan aki cu ta instala airco y drecha piesanan cu ta cay bou di e garantia.
Tambe WEMA tin tur e bracketnan necesario y otro materialnan pa e instalacionnan.
E oferta aki ta valido na tur e filialnan di WEMA. “Pasa awe mes busca bo airco Carrier y disfruta di e descuento y pasanan oranan agradabel den un ambiente agradabel na bo cas”.
