En conexion cu e proyecto RECIP IV, e siman aki, ta tuma luga modificacion di e sistema di control di frecuencia y control di voltahe den planta di generacion di coriente di WEB.
E proceso ta encera ehecucion di varios test di e motornan y na final un test riba e planta completo. E testnan ta necesario pa por confirma e debido funcionamento di e planta nobo. Semper ta keda existi un posibilidad minimo cu por surgi interupcion di coriente mirando e magnitud y riesgo envolvi cu e trabou.
E grupo di proyecto RECIP IV, hunto cu e coleganan di diferente departamento na WEB en cooperacion cu partner Wärtsilä, lo tuma tur precaucion y coordina e trabou di tal forma pa evita cualkier incidente of interupcion di coriente.
Desde cu a cambia e sistema di suministra coriente, a conoce blackout riba nos isla. Aña 2023 a habri cu na januari tabatin blackout, mientras cu 2022 tabatin un total di cinco.
