Desde 8:15 pm tin un situacion di blackout riba Aruba. Desde e momento ey y te cu awo e causa p’esaki nann no ta sigur di dje. Aunke WEB ta kere e cambio den switch a hunga un rol den e blackout.
Director di WEB, Alfredo Koolman, a indica cu e tabata relata cu e sistema di control, pero nan tin di haci un investigacion p’asina por confirma esey. E personal di WEB a tuma accion mesora pa mira e situacion pa investiga e situacion y traha un plan di recuperacion. Desde diabierna nan tabata traha riba e sistema di control. Esey a rekeri cu den transcurso di diabierna y diasabra cu a tuma e unidadnan riba control local.
Diasabra anochi a bin resolve e problema prome cu e blackout. Esey a relata un accion di switch over di local control pa control system en general. Esey a surgi henter e problema di blackout. El a sigui splica cu pa 9:00 pm tabatin indicacion con lihe e recuperacion lo tuma luga y pa 10:00 pm a cuminsa recupera e prome ELMAR velden di forma cu por a cuminsa suministra energia na comunidad.
E director ta lamenta di loke a pasa cu e blackout, pero tanto e personal di WEB como di ELMAR tabata haci todo por todo pa recupera mas lihe posibel. Den careda di 11:00 pm, segun Koolman, nan tabata den e fase final di un total recovery.
