Wardacosta a los bala riba un gofast cu a purba di yega Corsou cu droga. Durante e tiramento pa para e boto, bala a alcansa un di e tripulantenan mortalmente. A logra di aborda e boto y a confisca un lote formal di droga.
Pa locual ta trata e accion riba lama, a logra detene 5 tripulanta cu a keda bibo, mientras a confisca e curpa sin bida pa mas investigacion. No menos cu dos pickup y un van, yena cu bulto di droga confisca. A transporta e lot aki p’e departamento di droga.
