Garage Central tin den su showroom e SUV Volkswagen Taos 2023. E ta economico y espacioso pa famia.
Alex Dijkhoff, salesman di Garage Central, a splica cu Garage Central ta e dealer oficial di Volkswagen na Aruba. E modelo nobo di line up di Volkswagen ta e Taos 2023. Ta considera Taos como un mid size SUV cu ta hay’e den showroom di Garage Central. E ta un modelo nobo y recien treci.
E Taos ta un entree mid size SUV y ta hopi economico. E auto aki ta bin cu sensor dilanti y patras n’e bumper, cu ta facilita bo pa parkeer e auto. Aparte di tin sensor, tambe e auto tin un backup camara. E auto ta bin cu alloy wheel, mac rim di diesocho inch. Tambe taira special p’e careteranan di Aruba. incluso e ta bin c’un motor economico di 1.4 liter, cuater cilinder fuel injections. E motor ta chikito, aunke nan ta hunga cu e engine management pero asina mes ta haya suficiente power y ta keda economico.
Streamline di e auto ta uno moderno. Pa loke ta e layout di e Volkswagen, tur ta bin cu logo nobo y desde leu por reconoce e modelo dje auto. E parti interior ta bin standard cu sienta hopi moderno, cu ta ekipa cu semi leather. Ta facil pa limpi’e, specialmente ora cu tin mucha y algo basha riba dje, ta djis pasa un paña y e sienta ta keda limpi.
E dashboard ta uno completamente digital, por cambia y ahusta e pantaya. Segun Dijkhoff, e sistema ta completamente touch screen, ta bin cu bluetooth, pero tambe ta bin cu car apple play. E tin un navigation system y door di tin e google car apple play, por mira e google map completo den e pantaya.
E Taos ta un auto sumamente economico. N’e stuurwiel tin tur control, tin bluetooth y esey ta un siguridad pa tur chauffeur di auto. Telefon ring via e stuurwiel, unda por contesta yamada y cera yamada.
Pasa libremente na Garage Central, unda cu un di e bendedonan ta yuda bo. Nan lo duna bo mas informacion dje auto, mustra bo e auto. Incluso si bo kier test drive e auto, por haci esey. Tur auto di Volkswagen ta respalda cu e garantia, e mecaniconan cu update. Tambe tin bon respalda cu tur piesa di Volkswagen.
