Diasabra mainta dos homber den un Yaris blanco a causa accidente den Weg Fontein. Polis a ser avisa pa bay pura pasobra tin pelea andando y destruccion.
Ora cu Polis a yega na e sitio a topa tres homber y auto kibra. A resulta cu un di e hombernan tabata den e Yaris blanco A-47512.
Esaki ta e auto cu a dal un peaton yegando su cas. Nan a dal e victima riba su tereno di cas. E peaton a haya poco sla pero tabata riba pia.
Despues di e accidente e chauffeur a baha y huy. E ocupante e victima mes a purba tene. E ruman ciego paden na cas tambe a sali pa yuda e ruman cu auto a dal.
E homber a dal esun ciego tambe. Asina mes nan a logra tene pa e no huy. Polis a yega y asina a atende cu e caso. A detene e ocupante di e Yaris pa agresion. 
E chauffeur si e polisnan no a haya mas. E auto Yaris Polis a confisca hibe warda cu takelwagen. No tabata necesario ambulance na e sitio.
