Dialuna tabata un dia special p’e unidad di K9, mirando cu a traha pa varios luna largo pa por tin e cachonan di buskeda bek riba pia, segun Vianney Coffie, Brigadier y Instructor di cacho policial.
E mes tabata encarga pa duna e opleiding aki. No obstante di esey, dialuna a pasa un keuring riguroso cual Coffie mester a pasa aden, door di keurmeesternan imparcial cu no ta trahando den e dienst. Coffie a splica cu p’e haci e ehercicio caminda cu e ta bay traha cu e cachonan, e tambe mester a haci un examen. Antes tabata haci esaki cu partner di afo y awo un biaha mas a sosode na Aruba.
Coffie a expresa cu ta pone hende soda, pasobra e ta algo cu ta keda un reto y ora ta traha cu curason y pasion, semper e tin un tiki suspenso cu ne.
