Pa cumpli cu peticion di criadonan di bestia, servicio Veterinario di Departamento di Salud Publico ta informa cu abattoir lo continua cu su servicio di matansa entrante diahuebs 8 di april 2021 y despues lo ta habri manera normal riba diamars y diahuebs. Pa un cita riba un di e dianan aki mester yama prome na 5224310.
Ta duna servicio bou condicionnan estricto di e.o distancia fisico y prohibicion di aglomeracion, p’asina evita un cantidad grandi di hende riba tereno di abattoir na mes momento.
Veterinaire Dienst ta haci un suplica na esnan cu ta bin busca servicio cerca nan pa cumpli cu tur condicion stipula. Es cu no kier cumpli cu e condicionnan di proteccion lo wordo pidi pa bandona e localidad.
Veterinaire Dienst lo bay ta trahando a base di e siguiente condicionnan:
-Criadonan di bestia mester traha un cita adelanta na administracion na telefon : 5224310 y informa cu cuanto bestia lo e bin. Sin cita lo no duna servicio
-Riba e dia y orario stipula e criado di bestia mester raporta su mes na e gate. Si e persona ta laat of e no presenta e peticion lo no wordo honra riba e mesun dia ey mas y un cita nobo mester wordo traha.
-E criado di bestia ta wordo controla na gate si e tin cita. Si e tin cita e lo haya instruccion pa pone su bestianan den e hokinan asigna y despues e mester bandona tereno di Veterinaire dienst.
-Despues e bestianan ta wordo gekeur y mata segun nan protocol.
Ora cu Veterinaire Dienst caba cu e matansa, ta yama e doño e mesun dia pa presenta na gate y busca su bestianan despues cu a paga pa e servicio. E pago di servicio mester ta cu ATM of placa cash exacto hinca den un envelop.
Servicio Veterinario ta informa cu e medidanan aki ta necesario debi na e crisis di coronavirus y ta necesario pa cuida salud di e personal pero tambe di clientenan. Si riba dia di bo cita bo tin sintoma di tosamento, keintura, dolor di garganta, ta haci un suplica bo pa no bin pero pidi pa haci cambio di cita.
