Copa Airlines a informa cu Gobierno di Republica Boliviariana di Venezuela a ordena, mediante resolucion publica den Gaceta Oficial nr. 6369, cu fecha dia 5 di April 2018, e suspension di e relacion economico, comercial y financiero cu Republica di Panama, cu ta inclui e suspension di e vuelonan di Copa Airlines pa Venezuela pa un plazo di 90 dia.
Cu e obhetivo di brinda atencion na su pasaheronan cu tin buelonan programa pa y for di Venezuela den e proximo 90 dianan, Copa Airlines ta ofrece e posibilidad di reembolsa sin penalidad e totalidad di e balor di su pasashinan no uza. Di e mesun manera, e pasaheronan cu a cuminsa cu nan vuelo por reembolsa sin penalidad e trayecto no uza.
Adicionalmente, e pasaheronan cu ta prefera pa cambia nan destino final, por haci’e sin costo, prome cu dia 20 di April y pa biaha prome cu dia 4 di Juli, di acuerdo cu e espacio disponibel, bao di e siguiente criterianan:
– Pasaheronan bulando entre Norte America y Mexico y Venezuela, por cambia nan destion final na cualkier destino di e Aerolinea na Panama, Centro America, Caribe, Guyana, Colombia, Peru, Ecuador y Bolivia.
– Pasaheronan bulando entre Brasil, Argentina, Uruguay, Paraguay y Chile y Venezuela, por cambia nan destion final na cualkier destino di e Aerolinea na Panama, Centro America, Caribe, Guyana, Colombia, Peru, Ecuador y Bolivia.
– Pasaheronan bulando entre Centro America, Panama, Caribe, Guyana, Colombia, Peru, Bolivia y Venezuela, por cambia su destino final na cualkier destion di e Aerolinea di Panama, Centro America, Caribe, Guyana, Colombia, Peru, Ecuador y Bolivia.
Debi na e volumen di pasaheronan afecta pa e medida aki, e proceso di reembolso lo tuma mas tempo cu e proceso regular. Copa ta ofrece disculpa pa e inconvenientenan cu por surgi pa loke ta e situacion externo aki di e Aerolinea.
Copa Airlines ta ratifica su compromiso cu siguridad y bienestar di su pasaheronan, pa cual lo realisa tur e gestionnan cu ta na su alcanse pa por brinda asistencia na su pasaheronan y disminui e impacto cu e medida aki tin riba su biahenan.
Pa Aruba esaki no tin ningun consecuencia directo, cu excepcion cu hopi Venezolano ta bulando ultimamente pa Panama pa por yega Aruba. Nan lo mester haci esaki awo via Bogota cu Avianca. E medida di Gobierno di Venezuela por afecta e cantidad di pasaheronan Venezolano cu ta yega nos isla. Venezuela ta e di dos mercado mas grandi di turismo pa Aruba, aunke el a cay masha hopi mes.
