Dialuna pa mas of menos 2:10 pm patruya di San Nicolas tabata core den area di Brasil y a mira un Suzuki Vitara color oro. Nan a bay su tras pa haci un control riba papelnan di vehiculo.
Durante e control aki, e agentenan a ripara cu e auto no tin ningun papel. Di biaha a pidi p’un takel wagen pa presenta na Brasil 27, cual adres no ta desconoci pa polis. Takel wagen a presenta na e sitio y bay cu e auto warda. P’e doño saca e auto, e tin di presenta warda cu tur documento valido p’asina bay cu e auto.
