Temporada di campamento ta yegando su final pa algun, y pa otronan ainda nan falta un dia mas pa bay. Despues di algun cobertura cu nos a haci rond area di Eagle Beach y Arashi, nos a bay pariba wak con e ambiente ta tambe den area di Baby Beach.
Claudia Boekhoudt, un campado na Baby Beach ta bisa cu nan tin poco mas cu trinta aña ta campando pariba di brug n’e mesun spot. “E ta mas dushi cu pabao di brug sigur sigur, pasobra cu ami ta biba na Alto Vista y nos a campa un aña Pabao di brug. E tabata un gedoe teribel,” Claudia ta conta.
E ta bisa cu pasobra pariba di brug polis mes ta yuda entre otro den mustra bo unda bo tereno ta y si bo no yega pa campa, ningun hende ta zomaar sinta na bo luga of bin pone tent.
E espacio semper t’ey. “Tur hende ta respeta nan espacio. Nos ta manera famia di pariba bin abao. Nos tin famianan cu pa mas cu trinta aña ta campa mesun caminda.”
Lesa mas den TREMPAN.
