Durante e temporada di carnaval, na varios ocasion, KPA a informa cu Faya bo haya ta na vigor y cu no lo no acepta mal comportacion di e participantenan y tampoco di e publico.
Pero semper lo haya esunnan cu ta kere cu ley no ta conta pa nan y polis a actua cu man duro riba nan. Esaki a pasa tambe diaranson ora cu algun di esunnan presente no tabata sa di comporta nan mes y tabata busca problema.
Si mester bisa cu Aruba tin un problema grandi bou di e hubentud, cu no sa di comporta nan mes. Mayoria di e detenidonan durante e Parada di Luz tabata hoben, den cual polis no a basila y a transporta nan pa Warda di polis.
Den algun caso, e detenido a paga un boet y tabata por a bay cas, pero tambe tabatin algun caso cu e persona a keda cera. Tur cos ta depende di e delito cometi.
