Awe den oranan di mainta Ambulance a bay riba e caminda di Lago Heights pa un accidente cu herido.Na yegada a bin constata cu un UTV a keda di banda. Segun por a compronde, e UTV, den cual tabatin turista, na e caminda no a duna preferencia na un auto di trabou di Instituto Coreccional Aruba (KIA) y a dal den dje. Door di e impacto el a keda riba su banda. Dos persona a resulta herida. Inicialmente un di e personanan den e UTV no tabata kier a bay hospital pa haya atencion. A keda papia cu ne y finalmente el a acepta. E daño na e auto di Kia tabata completamente na e banda di e chauffeur y por mira cu e no por a core mas debi cu e wiel a keda tur dobla.
