Den cualkier gobierno, semper lo bo haya e opositornan ta tilda e gobierno na mando di hiba un maneho di ‘friends & Family’.
Riba esaki, Minister di Integridad, Ursell Arends bisa cu esaki ta un pregunta cu ta regularmente ta bin padilanti. For di su ministerio, lo presenta dos concepto di ley na parlamento, cual ta e Landsverordering BIA, cu ta casi cla y tambe e Landsverordering Corporate Governance, cu lo bay regula con e nombracion ta tuma luga den e Raad van Toezicht y Raad van Commisaris.
Pero segun e mandatario, ya caba tin e Landsverordering Integriteit Ministers, cu ya caba ta atende cu varios di e temanan menciona den e carta cu oposicion a entrega na VNO. E carta tin un componetne politico cu ya caba Hulanda no ta kere mas den e forma di opera aki.
Como partner di coalicion, nan ta tene nan mes na tur e reglanan di Corporate Governance y ta aplica esakinan tambe. Por a ripara esaki ora di atende cu e nombracion di e Raad van Toezicht di Serlimar y tambe e Raad van Commisaris di Arubus, como tambe tur e otro raadnan cu ta cay bou di su Ministerio. Pa lesa mas subi TREMPAN.
