Na Parkietenbos a dura 70 aña pa construi e cera cu tin. E lo rekeri tempo pa comunidad por cambia e habito cu e pueblo mes a crea durante tur e tempo. A cuminsa cu e proceso desde 22 di februari 2022 momento cu Minister di Naturalesa a haci e promesa y a lansa e plataforma di Trash 2 Cash. E proceso di desperdicio a cuminsa y ta den parti di ehecucion.
Ursell Arends, Minister di Naturalesa, a splica cu dia 22 di maart 2022 un total di 24 compania a participa y a brinda nan perspectiva con nan kier yuda gobierno soluciona e problema di desperdicio. Unda ta pasa di stort desperdicio riba landfil di Parkietenbos y bay over na procesa nan, crea grondstof cu por uza localmente, of grondstof cu por exporta. Netamente e 24 companianan aki, algun di nan ta ariba e blueprint. Pasobra nan a haci inversion cuantioso.
E mandatario a expresa cu tabata inversion miyonario pa por procesa desperdicio. Tin di nan cu ainda ta invertiendo y wardando nan ekiponan yega, pa asina aki nan tambe por cuminsa procesa e tipo di desperdicio cu nan a indica cu nan por procesa. E proceso ta canando y aworaki ta den e parti di ehecucion. E prome “waste streams” cu a dirigi tabata dia 22 di augustus tabata taira y eynan a sinti resistencia, pero awo tur compania ta registra na EcoTech. Nan ta deposita nan taira, di cual EcoTech ta grind esaki y saca e hero pa Daltra. E taira cu nan a grind ta manda pa Carrenta cu ta uza e proceso di pyrolisis cu ta separa e carbon black fo’i e taira. Ta procesa e taira y haci esaki den azeta. Awo ta den proceso final pa negosha cu FEMSA p’e azeta aki ta uza localmente. Segun Arends, FEMSA por uz’e pa WEB mes tambe. Esey ta e proceso cu ta andando.
Pa loke ta trata e otro desperdicionan, el a indica cu desde diamars caba EcoTech ta den operacion. Nan a ricibi un total di 62 pickup y di e cantidad aki, dos persona a rabia y bisa cu nan no tabata sa cu mester paga. Pero di 62 un total di 60 a deposita nan desperdicio. Tin di nan a trece ‘green waste’ so y nan no mester a paga. Esunnan cu a trece otro tipo di desperdicio cu ta ‘bulk waste’, yen cos mescla den otro, mester a paga. E reaccion cu e mandatario a mira ta uno positivo, no solamente pa loke ta e cero di Parkietenbos.
Awor cu Parkietenbos ta cera y diaranson anochi tabatin candela eynan, esey mes ta mustra pakico mester a cer’e. No desde awo, pero p’e añanan anterior. Arends ta sinti cu awo e comunidad tambe ta ‘onboard’ cu e manera dje maneho tabata den e ultimo añanan no por sigui. E mandatario ta kere cu e ta trece alivio pa henter e bario, alivio pa henter Aruba. Mas cu tur cos pa loke ta trata e menasa pa salud, e menasa pa e unico pilar economico turismo pasobra ta prome cos ta mira na momento di yega Aruba como turista y ultimo cos ora ta den avion.
Pa mas lesa TREMPAN.COM.
