Awe Departamento di Salud Publico (DVG) a confirma cu un otro persona a perde e lucha contra Coronavirus na Aruba. E cifra di casonan fatal a subi for di 50 pa 51 caso, haciendo Aruba e pais cu mas morto di Covid-19 den Caribe Hulandes.
Segun resumen di awe, 20 persona a recupera, a registra un total di 28 caso nobo di Covid-19, di cual 26 ta residente y 2 no-residente. Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 606 test. ‘Postivity rate’ entre nos residentenan ta 18%.
Aruba ta habri awe diadomingo cu 535 caso activo. E cantidad di casonan fatal relaciona cu Covid-19 a aumenta na 51.
Hospital a informa cu tin un total di 14 persona interna di cual 8 ta den Cuido Intensivo y 6 riba piso general di Covid.
