Desde cu Ivan Croes a bira cabesante na 2015, semper e tabata tin e pensamento cu e muchanan merece un airco den klas mirando cu ta hopi calor. Eynan e proceso a cuminsa. E scol mes ta uno hopi bieu cu coriente hopi anticua y a tuma un proceso pa logra e soño aki.
Pa cuminsa, mester a renoba e sistema di coriente prome cu pone e coriente pa e airconan. Tin por lo menos dos aña ta haciendo fundraising, haciendo diferente rifa pa por yega na e placa pa haci instalacion cu ta bastante placa y despues bay over tambe na compra di e airconan mes.
Ta papia aki di un scol di 12 klas. Den cada klas tin 2 airco, dus 24 airco. Pero prome cu bay over na e 24 airconan tambe, mester a pensa riba otro maneranan. Scolnan hopi biaha ta haya bishita di personanan indesea. Mester a inverti tambe den un sistema di alarma completo y tambe sistema di camara, pa asina ey vigila e scol 24/7.
Con leu nan ta
Segun Croes, diabierna Elmar a haci e ultimo conexion y e airconan a start dialuna. Manera cu e airconan a start, a bin full un cambio den e scol. E muchanan a keda hopi contento. Despues di casi 2 aña y pico, wardando e momento ey, dialuna e airconan a start y ta full un cambio pa e scol.
E mayornan
Tin mayornan cu maske cu e yiu a caba scol, pero nan a mira e importancia di e scol. E scol a bira parti di nan y nan a contribui. Ta papia di muchanan di 6de klas cu a bay scolnan mas halto. Nan a contribui grandemente, sabiendo toch cu nan yiu lo a bay for di scol. Tabata tin mayor cu a trece cuminda durante actividadnan pa nan bende, tambe diferente tipo di bebida. A keda cu e parti ey y a logra. Ta dos aña trahando masha duro mes. Sigur 300 alumno ta contento awe, 25 maestro tambe ta super feliz.
Gradicimento
Meneer Croes tin cu gradici Rene v/d Biezen, kende ta tata di un alumno di e scol. El a tuma e iniciativa pa instala henter e scol gratuitamente. No tin palabra pa gradici e persona aki. Ta hopi diasabra y diadomingo el a psa trahando pa haci e instalacion cu ta bastante trabao.
Tambe tin e instalateur Dwight Mansell. Ora a bay check mapa bek, ta mapanan cu ta data di añanan 80, y mester a haci full un mapa nobo, cu ta exigi masha hopi trabao tambe. Tambe e calculacion pa tin suficiente coriente pa por wanta e cantidad di airconan cu tin na scol.
E cabesante tin gradicimento special na Elmar, full e staff, e personanan cu a kere den e scol. E tabata dificil, pasobra mester a cuminsa cu un trafohuis, den e sentido aki cu ta bastante placa. A lo largo a logra haci nan berekening tambe, wak con por yuda, pasobra ta trata aki di un scol. Asina a logra haya e cantidad di capacidad cu por wanta e airconan.
Den nomber di e muchanan y tambe tur e maestronan, ta bin un gradicimento. Tambe na e maestronan, cu tabata dos aña den un situacion dificil pa sigui duna les toch, zorg pa rapport, tabata cla pa yuda den e actividadnan di fundraising. Nan tabata tin e meta tambe hunto cu e cabesante, nan vision, pa logra den e caso aki cu nan a bay e extra mile, pa asina ey nan por a traha den nan ora liber, prepara fundraising, pa asina haya placa y awe ta un realidad.
Sin lubida e muchanan, cu a yuda cu bendemento di rifa, kendenan ta bay cas cu nan famia, bende. Un palabra di danki tambe ta bay na e muchanan y e famia completo.
