Diasabra den dia nos tabata banda di lama y aki a haci un wega cu e campadonan, unda nan por a gana premio. Tin tres cos cu por a pas. Ta asina aki, un ta premio, otro ta abo ta bay awa of Leo ta bay awa.
E prome participante tabata un campado masculino, kende a saca e premio cu e mes tira den lama. Cu un sonrisa y cu chup el a tira su mes den lama. Un otro tabata un campado femenino y e tambe a toca tira su curpa den lama. Un di tres campado a purba su suerte y e tambe a hay’e ta tira su mes den lama. E di cuater campado tambe a hay’e ta drenta den lama.
Emelina Loopstok-Koolman, campado, a conta cu e tin binticuater aña ta campa na Arashi. E gusta campa pasobra di chikito a lanta cu esaki. Su mayornan a campa y antes tabata haci esey banda di Basiruti, y awendia ta campando n’e mesun luga pa 24 aña.
E ta campa hunto cu su yiu- y nietonan como resto di su famia. Pa Loopstok-Koolman campamento ta algo pa tur hende pasa momento hunto. Nan ta un famia uni y semper capamento ta eynan.
Un otro reto cu a haci cu campadonan tabata riba mesa di domino. Si Leo pas, e ta bay awa, pero si e campado pas, e mester a bay awa. Leo a hunga cu dos hoben y aki el a pas un di nan, kende a toc’e bay awa.
Un otro campado a conta nos cu e tin 30 aña ta campando n’e mesun luga. Nan ta un grupo grandi di persona cu ta bini hunto.
Un otro grupo di campado ta campando pa diescinco aña y pa haci e ambiente mas dushi, nan ta organisa competencia entre e bisiñanan campado. Un señora a indica cu pa diesun aña e ta encarga pa haci hersengymnastiek tur Diabierna Santo. Pero e aña aki nan a haci un cambio y a bin cu “spel zonder grenzen” entre dos grupo cu ta bisiña pa aña. E premio ta cu e grupo cu gana ta sinta trankil mira con e otro tin di ruim op tur cos y laga e area di campamento limpi.
Un otro campado a expresa cu e ta campando pa diesdos of diestres aña, desde cu e ta mucha. Campamento ta un motibo di ta pafo di cas y simplemente di ta cu famia, disfruta y laga tur electronico un banda. El a expresa cu den futuro e lo sigui haci esey.
Un otro campado a tuma e reto y tambe a toca tira su curpa den lama. Un otro persona cu tabata disfruta di e dia, tambe a hay’e ta tira su mes den lama despues di a saca e papel cu tabata bisa tira curpa den lama.
A cuminsa cu e reto desde Baby Beach bay Arashi y termina na Eagle Beach. Ningun hende no a gana un premio. E unico cos cu hende mester a haci ta coy e papel y gana e weekend stay cu ta bisa “tira mi curpa na lama.” Leo a demostra con e wega tabata door di coy un papel y manera tur otro cu a perde, el a core direccion lama pa asina tira su mes den awa.
