“Esaki ta nifica hopi, bo sa. Cu nos a logra algo cu hopi hende no a kere ta posibel, esaki ta mi prome cancion cu Cache Royale anto el a pasa tur expectativa,” segun cantante Cache Royale Sharveley Alexander.
Ta trata aki di e cancion Un Chens Ku Bo, cual a ricibi un miyon streams riba Spotify recientemente, pasa dos miyon views riba YouTube un otro logro grandi pa un artista Antiyano. E cantica mes tabata uno cu Alexander a traha den un situacion totalmente diferente, e tabata den un situacion unda tabata traha cantica separa di loke tabata sinti na e momento ey.
A pone esaki para y te despues a drenta Cache e cantante a mustra nan e composicion, cual a keda hinca den bachi di Cache Royale. “Pa mi e ta nifica algo personalmente hopi, e ta touch mi hopi deep con hendenan ta gust’e asina.” E cifranan ta 2miyon+ pa e video oficial di e cancion, e version Live tin 1miyon+ y Spotify 1miyon+ tambe.
Riba 12 di November lo tin presentacion na Dia di Banda’Riba na Den Haag, 17 di november Caribbean Vibe, Almere, 1 December sexy & elegant, Tilburg, 3 december Caribbean Indoor Festival, Ahoy Rotterdam.
Top Lovers ta un concepto cu Tsean y Veilli Lirx a bini cu ne, unda cu a scohe e topnan den e genero di musica di ritmo combina. Esaki ta e constelaccion di Cache Royale, DjuDju V, HnLY, Qshans, Randy Leroy y TseaN.
KICO TIN PA FUTURO
E siguiente pasonan sigur lo ta hopi segun Alexander pasobra e ta describi su mes manera un hende cu no ta gusta para keto. “Mi ta tene cuenta cu ne si cu nos ta un banda, tur hende ta haya nan espacio pa haci nan cos, Ami ta warda di mi pa asina nos sigui saca nos cosnan pa por ta yega atrobe na cifranan cu nos a yega.” Pa ta realistico, Alexander ta simplemente hopi mas interesa den sigui saca produccion pa hendenan por gosa.
