Diahuebs merdia, mas o menos 2:30 pm a tuma luga un otro desgracia riba e cruzada di Palm Beach. Personal di Cuerpo di Bombero mester a presenta na e sitio, pasobra tabatin un hende cu ta pega den auto y mester a corta esaki, pa asina saca e persona for di e den e auto aki.
E tabata un impacto hopi fuerte y polis mester a cera e caminda parcialmente y a dirigi trafico, mientras cu e miembronan di Cuerpo di Bombero a haci tur esfuerso pa logra libera e turista cu tabata den un v-wagen color blanco.
E v-wagen a dal den un Sportage shinishi cu e consecuencia ya conoci. Polis di trafico y Roadservice tambe tabata na e sitio pa asina tuma nota di e accidente. Daño causa ta considerabel.
