Situacion na Colegio Arubano pa basta tempo ta tenso. E relacion entre e directiva di Colegio Arubano cu e docentenan no ta na un manera sano. E base di confiansa cu mester tin entre e directiva y personal no t’ey. Pero e situacion a bira pio, na momento cu e presidente di e directiva di Stichting Voortgezet Onderwijs Aruba (SVOA), a dicidi cu ta schors rector di Colegio Arubano, Tim Croes.
Pero e situacion a bira asina insoportabel, te cu e docentenan a dicidi cu ta basta y a pone trabou abou. Presidente di SiMAR, Josephine Albertus, tambe tabata na e sitio, pa asina brinda sosten na e cuerpo di docente di colegio Arubano cu a pidi nan sindicato pa vocifera nan preocupacionnan pa nan. Dia 18 di januari, presidente di directiva di SVOA, Ernesto Rosenstand, a dicidi pa schors e rector di Colegio Arubano, Tim Croes. Algo cu SIMAR y e cuerpo di docente a rechasa categoricamente.
Ta for di aña pasa caba cu e docentenan a informa cu nan no tin ningun confiansa mas den e directiva actual di SVOA y su presidente, Ernesto Rosenstand.
Pa un relato mas amplio, lesa TREMPAN.
