Diaranson mainta, un truck of trailer desconoci a ranca un kabel principal den e area di Seroe Biento, net pariba di Wel Wel Bar y Restaurant.
Door di esaki e servicionan di cable y tambe internet a cay afo den algun di e areanan, manera Paradera, Seroe Biento (un parti), Wayaca Residence, Sabanilla Abao, Cashero. Esaki a sosode den careda di 8:30am.
Pa atardi, ainda e problema tabata persisti y e tecniconan di Setar tabata trahando pa resolve e interupcion aki lo mas pronto posibel. Esaki ta debi cu e daño n’e kabel principal tabata mas grandi cu a anticipa, ya cu a ranca henter un box di fiber cu ta conecta diferente bario.
Door di esaki e barionan afecta tabata Casibari, Matividiri, Seroe Pita, Cashero, Sabanilla Abao, Urataca, Wayaca Residence, Esmeralda, Seroe Pela, Santa Cruz, Pavia, Vigia, Seroe Biento, Tanki Leendert, Modanza, Jaburibari y Moko.
Varios habitante a dicidi di tuma contacto directo cu Setar pa asina nan por haya mas informacion, di kico ta pasando y cuanto (mas) lo por tarda prome cu e servicionan di cable y internet por bin bek.
Pero den careda di 8:15pm, varios bario a haya e servicio di cable bek, mientras cu tabatin otronan cu ainda mester a warda un poco mas.
