Diadomingo anochi alrededor di 9:00 pm polis tabata activo buscando un auto marca Nissan Modelo March color shinishi, numera A-76296. Ta parce cu mas trempan e auto aki tabata envolvi den un caso di hit and run. El a dal contra di un un otro auto y a haya ta bon di bandona sitio sin warda riba polis.
Mas despues a señal’e ta core memey caminda riba caminda di Sta. Cruz, a baha caminda y por poco a accidenta frontal den trafico contrario. A busc’e pero a perde for di bista. No a dura mucho cu a bolbe top’e den Playa, a sigui’e y a logra par’e den John G. Emanstraat, net dilanti di Lucky Store.
Den e auto tabata tin dos persona mas. A detene tur tres y a transporta nan pa warda di polis. Polis di trafico a presenta p’asina documenta e caso aki, mirando cu e ta origen di un accidente di mas trempan.
