Den un conferencia di prensa director di dr. Horacio Oduber Hospital (HOH) Jacco Vroegop a papia di e situacion reinante na hospital. El a papia di e cifranan di casonan cu nan a atende den hospital y e limite cu nan ta yega na dje, y e consecuencianan cu esaki ta trece cu ne.
Na momento di e conferencia di prensa, tabatin 34 pashent di COVID interna di cual 12 ta den Cuido Intensivo. Banda di esaki, tin tres pashent cu no ta di COVID cu tambe ta interna den ICU. E preocupacion ta cu e capacidad maximo di ICU ta 18 cama, loke ta nifica cu tin solamente tres cama mas posibel. Mas pashent tin interna den ICU mas presion e ta pone riba e personal, pasobra mester tin un profesional pa cada pashent.
Vroegop a papia di e cantidad maximo di personanan cu nan tin espacio pa nan den hospital, y cu awendia e hendenan ta keda menos dia interna. Esaki pa motibo cu compara cu e prome ola, tin mas informacion disponibel di e virus.
Loading…
Reload document 
Open in new tab 
