Diadomingo den oranan di merdia tres auto a haya nan mes envolvi den un accidente aki na Playa, pero no tabatin herido di gravedad.
Polisnan diadomingo a sali den pura diadomingo merdia 1’or pa un accidente cu 3 auto envolvi na e crusada di Van Leeuwenhoekstraat y De La Sallestraat.
Un dama coriendo den su Nissan March numera A-57417 riba Van Leeuwenhoekstraat probablemente no a paga tino yegando e crusada y a sigui pa bay dal den banda di un Toyota Yaris color di oro. E chauffeur hoben tras di stuur di e Yaris a perde control di e vehiculo cu a bay dal den banda contrario di caminda y dal contra un Kia Rio oraño.
E autonan a keda cu basta daño, un mas cu e otro y para memey caminda causando stagnacion pa demas automobilistanan.
Polis a sa di guia e trafico te ora cu por a hala e autonan for di caminda p’asina trafico por a normalisa den e area.
A pidi ambulance pa e dama, y el a subi riba propio forsa pa haci un chekeo. E dos otro chauffeurnan hoben masculino no tawata herida.
