Diaranson atardi alrededor di 3:50 pm a sosode un accidente na Tanki Leendert cu tres auto envolvi. E incidente aki a sosode net dilanti di Tur Dia Foodmart. Un Honda Fit a bay lora na su mas robes ora cu un Cube a dal tras di un Chevrolet Aveo cu consecuencia a bay dal tras di e Honda.
Den e accidente aki dos persona a resulta herida. Ambulance a transporta ambos victima pa hospital pa ricibi atencion medico avansa. Mientras cu patruya a cera caminda, e specialista di trafico di polis a documenta e accidente aki. Daño material tabata considerabel.
