Despues di eleccion pa presidente y directiva nobo pa e sindicato TOPA, awe a tuma luga e prome reunion di e directiva nobo. Den mesun rosea a tuma luga e proceso di traspaso di e directiva saliente pa esun nobo. Traspaso a tuma luga di e vice-presidente saliente Vilma Theijsen pa e presidente nobo di sindicato TOPA, Alonso Tromp manera e statuto ta prescribi.
Awe durante e prome reunion di directiva, a tuma luga e reparticion di e diferente secretariadonan. A keda como lo siguiente, e secretario di organisacion Maria Caster cu ta alabes vice-presidente.
Secretario Actas y corespondencia Madeline Laclé, tesorero Anne Werleman-Borrebach, secretario contactonan externo Charlene Croeze-Theysen, secretario di accion Egenio Ras, secretario di keho Rene Bernabela, secretario di formacion y hubentud Vilma Theijsen-Kock, secretario di informacion y propaganda Axcel Figaroa. Directiva nobo ta compromete su mes como prioridad pa bin cu formacion y educacion di nos delegadonan.
Directiva nobo ta para pa husticia, transparencia, respet, comunicacion y salvaguardia e derecho di nos miembronan. Directiva nobo ta pone enfasis pa tur e organonan funciona manera Statuto ta prescribi, incluyendo e pensionadonan.
